De Vull vum Mount: de Piwitsch
De Piwitsch (D : Kiebitz, F : Vanneau huppé) britt an naasse Wisen mat niddereger Vegetatioun an oppenem Buedem oder op Felder mat Summerkären. Well bei eis déi naass Wissen drainéiert goufen an bal nach just Wanterkären ugebaut ginn, ass de Piwitsch zu Lëtzebuerg vum Ausstierwe bedrot. Et kann ee Piwitschen awer nach um Duerchzuch am Hierscht an am Fréijoer an eiser Regioun gesinn, z.B. bei Nouspelt an am Raum Rippweiler-Schandel.
