Aktioun Päiperlek
De Schmuebelschwanz (de. Schwalbenschwanz, fr. Grand porte-queue) ass onverkennbar duerch seng gielschwaarz Zeechnung mat bloen a roude Punkten um hënneschte Flillek. Wéi all Päiperleken brauch hien Planzennektar als Fudder, dat en zum Beispill a Kléibléie fënnt. Seng opfälleg gring Raupen mat schwaarzen a roude Punkten liewen op Doldenblütler, also och mol op Wuerzelen oder Dëll am Gaart. Hie gëtt ëmmer méi rar a steet bei eis schonn op der rouder Lëscht vun de bedroten Aarten.
